Inscription
Huic tumulo mandantur exuviae
Viri Reverendi Edvardi Wigglesworth S. T. D.
Senatus Harvardini plus annis quadraginta Socii :
Theologiae Professoris Hollisiani primi ;
Cui muneri
Perspicax ingenium, ratiocinandi facultas eximia, mens
Peritia rerum humanarum divinarumque accurata,
Stylus concinnus lucidusque in rebus exponendis ordo,
Et quoque pietas ab ineunte aetate insignis,
Morumque probitas
Hunc ante alios idoneum fecerant:
Ipsiusque deinde praelectiones
Ad docendum mire accommodatas,
Literatis item omnibus probatissimas reddiderunt.
In Controversiis
Temperatus, aequus, candidus,
Simul et acer, nervosus, praepotens extitit.
In domo sua, et inter cives,
Conjux peramans, parens benevolentissimus ;
Paterfamilias Justus, mansuetus, clemens ;
Amicus comis, ardens, constans ;
Egentibus liberalis ;
Consulere cupientibus aditu facillimus
Animo placido, hilari, benigno,
In rebus vel secundis vel adversus immoto,
Observantiam ubique conciliavit et amorem.
Partes sibi concreditas fideliter exequendo,
Mentis ad extremum usque spiritum compos.
Christo vixit.
In Christo
Spe immortalitatis beatae erectus,
XVI Januarii, A. D. M.DCCLXV, Ætatis LXXIII,
suaviter obdormiit.
Family Members
Advertisement
Advertisement